Thirty Things Before I Want To Do Before I Die

1. makaikot-ikot sa buong Pilpinas.
2. parehas ng #1 kaso buong mundo naman.
3. makapag-publish ng sariling book.
4. makapagturo sa highschool kahit ‘sang taon lang.
5. ‘pag nangyari ang #4 maghuhulog ako ng pinakamatalinong estudyante para naman may tatadyak ng puntod ko.
6. kainin lahat ng uri ng tsokolate.
7. pumunta ang lahat ng kamag-anak ko at sumayaw sila (1 by 1)
8. magbasa muna ng Bibliya (way to heaven)
9. magbasa ang lahat ng libro ni Bob Ong.
10. malaman ang totoong sagot sa tanong na, “ang bata ay tumatakbo?
11. gusto ko munang malaman kung sino sa alin ang dapat sambahin, ang Diyos o si Jesus?
12. gusto kong malaman ang alin sa alin ang sugo ng kadiliman sa nagraramihang relihiyon.
13. mae-recite ang buong rosaryo.
14. makapasok sa bahay ni kuya pero patay ang kamera.
15. makasali sa Game knb kaso wala na.
16. sabihin sa kapatid ko na ang mga libro ko ay alagaan.
17. itago sa museu ang talambuhay ko sa lahat ng alibata.
18. makapanood muli ng “the classic” korean movie
19. mapanood ang lahat ng episode ng Discovery Channel.
20. ihahabilin ko sa kanila na ang gusto kong tunog sa aking karo ng Canon (rock version, violin, piano etc. version)
21. ipagbili ang gitara pantulong sa aking ipanlilibing.
22. tawagin ang lahat ng member ng publication at sasayaw lahat.
23. matutung tumugtug sa violin (canon)
24. makita ang lahat ng ex at pauwiin muli.
25. isulat ang lahat ng baho ng paaralan, gobyerno, at katabi ko ngayon.
26. i-ayos ang venue ng paglilibingan.
27. outing ng buong angkan.
28. hanapin ang pinsan kong nag-layas
29. paranasin sa iba ang lasa ng langit ng mamamatay na.
30. gumawa ng schedule ng mga ‘to!

Tagong Yaman

Para sa mga naharurut sa eleksyon at iboboto ng mamamayang Pilipino. Magbasa ka! Pakinggan mo ang alulong ng sikmura ng kapwa mo kadugo at langhapin ang katawang lupa mo. Minsan napapaisip ako, mayaman pala talaga ang Pilipinas. Tuwing halalan handang maglabas ng puhunan ang mga kabayo. Oo kabayo, tatakbo sila hindi ba? Maraming gutom, maraming pasal pero bakit ‘pag tapos na ang eleksyon ang mga nagpipilit na bayani ng bansa ay nagkakadawala-wala? Nasan na ang perang winaldas sa mga tarpaulin? Asan na ang pinambayad nila sa kalaban nilang politiko? (sadyang nambibintang?) Oo nambibintang ako, kung hindi ako? Sino?...ikaw? Asan na ang tagong yaman na s’yang tinubo ng nagwaksing tunay ng mga bayani at hindi puro pagkukunwari?

Ikaw bilang politiko ng bagong henerasyon ng lumang sistema, ano bang kaya mong gawin? Kaya mo bang hanapin ang nagtatagong yaman?

l< l_ l_ians, magbasa ka!

Siguro nagtataka ka kung bakit ba nagsusulat kami o wala ka lang talagang paki-alam. Laban sa taong umaruga sa amin o sa atin. Hindi naman kami babayaran at bibigyan ng parangal, kataasan pa nga nito ay maipapako pa kami sa krus at sipain sa paaralang pinaglalaanan namin ng panahon. Ano nga ba talaga ang napapala namin? Ako?

Sa totoo lang hindi ako nagsusulat ng laban sa kanila dahil sa mga estudyanteng ignorante. (minsan, oo sa hindi sinasadyang pagkakataon). Nagsusulat ako dahil isa ako sa nagbabayad ng walang napapala. Ang pinagkaiba lang natin ay ikaw ay tulog samantalang ako’y gising at walang ginagawa, walang magawa, walang kayang gawin kundi magreklamo. Bukod sa wala, wala talaga!

Bato sa Bato

Global Warming, nakabibinging pakinggan hindi ba? Pero ang bagay na ‘to ay kayang sirain ang buhay ng lahat, sa halaman, sa hayop, sa kalikasan at sa tao. Ang pagkatuyo ng mga halaman dahil sa salat na suplay ng tubig dulot nito mawawalan ng tirahan ang mga hayop na sya na sanang poprotekta sa kanila. Sa pagkawala ng hayop at halaman ay s’yang sinyales na kasiraan ng kapaligiran at magdudulot ng malawakang tag-gutom sa tao at sa lahat ng nabubuhay. Ang solusyon? Ewan.
Kasabay ng problemang ‘to isa-isang naglalabasan ang mga sakit. Tulad ng heart stroke, heatstroke, mild stroke, ‘backstroke’ at iba’t-iba pang stroke. Dulot ng tumataas na temperatura may isa na namang sakit ang kumakalat sa tagway na dalawang lalaki sa isang babae. Ang sakit na ito ay tinatawag na kidney stone o sakit sa bato o pagkakaroon ng bato sa bato.
Ang kidney stone ay hango sa Latin na Ureterolithiasis o Nephrolithiasis sa salitang Griyego (nephro-kidney ; lithos-stone). Ito’y dulot ng chronic dehydration. Kung ano man ‘yon, malay ko! Hindi naman ako Science Major. Basta ito’y tungkol sa kakulangan ng tubig sa katawan. Dulot nito naiiga ang ating kidney kung kaya’t ang mga unwanted chemical ay s’yang pinuproseso nito. At ang resulta? Dahil hindi ito normal na kemikal kaya’t namumuo ito nagiging bato. Kapag ang bato ay lumaki ng dalawa o tatlong milimetro bago lumampas sa tinatawag nating ureter (dalawang tubo na nagdudugtong sa kidney at bladder) magkakaroon ito ng bara at magdudulot ng kakaibang sakit sa baywang at sa daloy ng pag-ihi.
Ayon sa pag-aaral, nakakatulong sa pagkaaroon ng bato sa bato kapag masyadong maraming Sodium (asin) ang pumapasok sa katawan. Ang masyadong Calcium ay masama rin pero ang kakulangan nito ay hindi rin maganda. Ang mainam kainin ay ang mga pagkain na nagtataglay ng Vitamin A at B tulad ng manok at carrots. Nagdudulot din ng sakit sa bato ang purong pagkain ng laman ng hayop. Tulad ng minumulat sa atin ng mga nutritionist ngayon, kailangan nating kumain ng gulay.
Pero kung huli na ang lahat at hindi na kaya pang agapan ng mga gamot. Kailangan na ‘tong daanin sa operasyon. May tatlo lang tayong pamimiliin. Una, ang paggamit ng Extracorporeal Shock Wave Lithotripsy, ang wave na ‘to ay dumudurog ng bato sa loob ng katawan. Pangalawa, sa pamamagitan ng keyhole o open surgical (operasyon). At ang huli ay isa ring uri ng operasyon kung saan may ipapasok na manipis na tubo sa ating ‘everythings’ sa pamamagitan ng pagdaan ng tubo sa urethra patungo sa bladder tapos sa ureter at ang huli sa kidney. Solb. Pagkatapos ng operasyon, makakaramdam ng sobrang sakit ang pasyente kung kaya’t nireresetahan sila ng doktor ng pain reliever.
Maikli ang buhay, hindi ka naman siguro katulad ni Orochimaru na naghahangad na maging imortal, hindi ba? Sa panahon ngayon swertihan na kung makakatakbo pa tayo ng normal sa edad na limampo. Panalangin ko nga lang kung mamatay man ako sana sa bangungut na lang. No pain in less cost. Hindi na kailangan pang mag-tawag ng ambulansya, aba’y load din ‘yon! Diretso ng kabaong.
Kaya kung ako sa’yo, lubusin na natin ang oras na natitira dahil baka o sa makalawa eh wala na ang lahat. Wala na. Ipaglaban mo na ang bagay na pinaglalaban mo. Huwag kang matakot na matalo dahil parte na ‘yan ng lahat ng nabubuhay at nakakaramdam. Dahil sa mundong ating ginagalawan, isa lang ang permanente --- kamatayan.

Enrol na me! Ikaw enrol na u?

Ika-lima ko na ‘tong pag-eenrol at ‘di na mabilang na pilahan ang dumapo

sa manipis kong katawan. Tiniis ang biyaya ni Haring Araw at binasa ang

kamisitang laba ni inay. Wala e. Kahit anong gawin natin, maglaslas man tayo,

magbigti o tarakan ang puso natin sa harapan nila wala pa ring magbabago.

Mabagal.

Kalimitang problema ng mga bagong salta ay kung saan at paano makakapag-enrol. Kami nga na halos inaamag na rito ay hindi matandaan ang pag-eenrol sila pa kayang bago. Kaya hindi mo maiiwasang makakita na may kabuntot na ina, itay, kapatid, pinsan, at buong barangay. Normal lang ‘yan.

At ang artikulong ‘to ang magpapa-alala ng masaklap mong karanasan at magsisilbing paalala sa susunod mong enrolan. Tandaan, basahin at sunding mabuti ang paraan ng pag-eenrol para hindi ka mamura kung sakaling masita ka nila na sumisingit sa pilahan.

1. Ibigay sa Registrar ang lahat ng requirements tulad ng Form 138 (Forth Year Card), Good Moral, photocopy ng Birth Certificate, dalawang 2x2 picture at mailing stamp na nakapaloob sa isang mahabang kulay lupang envelop (para sa bagong salta). Para naman sa mga inamag at inaamag na, ibigay lamang ang kompletong classcard at kung ano pang kailangan. Kapag walang nakitang problema bibigyan ka na nila ng Registration Form.

2. Punan ang hinihinging impormasyon ng Registration Form tulad ng schedule, course, section, pangalan, pangalan ng nanay at tatay mo, birthday, saan ka nakatira at iba pa, parang slam note lang.

3. Kapag napunan mo na ang lahat ng kinakailangan, papirmahan mo na ang Registration Form mo sa Dean ng kursong kinuha mo. Magtanong sa iba kung saan sila makikita.

4. Kung hinihingi ng pagkakataon. Pumila para sa numero kung saan gagamitin mo ‘tong pambayad ng ‘Developmenatal Share’ sa Accounting. Ayon kasi sa kanila, pang-iwas ito sa mga taong sumisingit pero wa-effect pa rin.

5. Pagkatapos mong magbayad. Kunin ang resibo at at tingnan kung may tatak ang Registration Form mo. Kung sakaling wala, pimili ka kung saan pwedeng patatakan ang nasabing Form patunay ito na bayad ka na sa mga share na idenedemand nila.

6. Pumila sa Registrar para ipakita ang pinagpaguran mong pagpapatatak at kung satisfied na sila sa lansak-lansak mong pawis bibigyan ka na nila ng bagong classcard para sa darating ng sem. Note: bilangin ang classcard bago umalis dahil minsan kulang-kulang ‘to at kahit magbaril ka pa sa bunganga ay hindi ka nila papansinin.

7. Yehey! Ang huling hakbang ay ipamigay ang Registration Form sa Dean, Accounting, at Registrar. Ang matitirang kopya ay para sa’yo. Note: huwag kainin ang Registration Form. Kailangan ito sa pagpapa-evaluate at sa mga major examination.

Sa hinahaba-habang enrolan, gutom, pangingitm ng balat, dehydration, init ng ulo at pananakit ng buong katawan…ligaya naman ang sasalubong sa’yo oras na matapos mo ang delubyong ito. Sa pa’no na? Kitakits na lang sa susunod na enrolan!

PAALALA:

Iwasang ma-dehydrate dahil maari ‘tong humantong sa tinatawag na kidney stone o sakit sa bato. Tumataas ang kaso ng sakit na ‘to ngayon dahil sa sobrang init ng temperatura. Para maiwasan ito, uminom ng tamang dami ng tubig at ‘wag magpigil ng pag-ihi.

RIP

Sa paghahati ng buwan ng Enero at Pebrero isa na namang kapamilya ang nalagas sa aming angkan.

Sa totoo lang malayo ang loob ko kay Tyrone, ang dahilan kung bakit? Hindi ko alam. Tatlo kaming magkakapatid, (parang SOS) lalaki-babae-lalaki. Tapos dumating si Marshal, Tyrone at Jandi na s'ya namang hango sa mga palabas sa TV. Maingay sila tuwing gabi na minsan ay nakakabadtrip na rin. Magkaganun pa man mabait sila sa amin kahit magkakaiba ang pinagmulan nilang magulang.

Minsan nakakapagtampo na rin, "BUTI PA SINA MARSHAL, TYRONE AT JANDI 'PAG DUMADATING AKO EH SALUBONG AGAD", apela ni ama. Hindi na lang ako naimik pero nakakapagtampo talaga. Hanggang sa nadeds si Jandi sa hindi malamang dahilan (hindi naman kasi inaalam), nakakalungkot. At ngayon, si Tyrone naman ang natipok. Nakita na lang namin na dilat ang kanyang mga mata...sa kabila ng pagtatampo, awa ang s'yang pumalit at lungkot sa aking ama.

Walang ng natalon at nahimod sa paa ni ama. Ang apela? Anong gusto n'ya? Magtatalon din kami at himurin ang kanyang paa na parang aso? Pwede ba!

"BANG-AW AKO PERO HINDI AKO ASO...BAKIT?" (see aso in Alamat ng Gubat by Bob Ong)

IBOBOTO KO?

Sinong iboboto mo? Ang dami na kasing nagtatanong sa akin, wala naman akong maisagot dahil sa totoo lang wala pa akong napipili. Pare-parehas ang tingin ko sa mga politiko, marumi. Kaya ang iboboto ko sa darating na eleksyon ay ang taong alam kong matatalo lang din. Bakit? Dahil alam kong matatalo s'ya at hindi n'ya mapapakinabangan ang boto ko at dahil doon wala akong kargo de konsencia dahil hindi ko ibinoto ang taong halimaw. Taong anghel at propeta sa mata ng madla kung kaya't hindi ko s'ya pinagkatiwalaan at pagkakatiwalaan.

Pero hindi ibigsabihin noon na pinagkatiwalaan ko ang taong talunan. Hindi ko masasabing ginamit ko ang utak ko dahil meron nga ako noon, may laman pero hindi lagi ginagamit. Kung sino man ang iboboto ko o ang taong talunan, hay wala pa rin. Sa kasalukuyan pumipili pa lang ako sa iba't-ibang kulay (ponkan, dilaw, berde, asul, puti, etc. parang power ranger lang)

BYAHE PUNTANG DISYERTO

Sakay na naman pala ako sa sasakyang hindi naman kakarag-karag ngunit sira naman ang kambyo. Minsan naiisip ko na bigla na lang s'yang sisigaw ng "TAWAGIN NA N'YO ANG KILALA NYONG SANTO, DAHIL WALA NG PRENO ANG SASAKYAN NATIN!" Minsan natatawa na lang ako sa halip na matakot.

Masayang magbyahe at isa yun sa mga pangarap ko. Ang magbyahe sa buong Pilipinas masaya yun kahit 'wag na sa buong mundo. Pero dito pa lang sa Lipa busog ka na sa mga scenic spots. Ang mga pulubing pakalat-kalat, mga establisyementong sarado at gusaling hanggang ngayon ay hindi pa tapos. Ano nga bang pakialam ko sa Lipa, ni bahay ko nga eh hindi ko inaayos yung mas malaki pa kaya. Isa pa hindi ako kandidato na nagkakalat ng tarpulin sa labas.

Ngunit ang hindi ko maiwasang tingnan sa tuwing nagbabyahe ako papuntang Disyerto ay ang gusaling may asul at dilaw na tinta sa pader. Nagbabakasakali lang naman ako na baka muli ko syang makita, kahit hindi na makausap. Makita ko lang, ayos na. Kahit iba na ang unipormado n'ya at laman ng isip n'ya.

KUTILYON

12-05-09

8:44 am

Sabado, napakabigat ng pakiramdam. Naghahalong init at lamig. Pakiramdam kong bibitayin na ako kaya dapat gawin at kainin ko na ang mga gusto ko. Alam mo ba 'yong pakiramdam na gusto mong tumulog pero hindi mo magawa dahil may napalakat sa katapat nyong bahay, inaatake ka ng iyong insomia o dili kaya'y maraming naglalaro sa iyong isipan? Di ba ang sama ng pakiramdam ng ganun? Minsan kailangan mong uninom ng mga gamot para lang makahimlay, na isang bagay na dapat sa'yo. Bagay na dapat hindi mo ihingi ng tawad at hiya.

Ang mga taong tulad ko na takot sa mata ng tao, hindi dahil mukha akong arinola kundi umiiwas sa pula ng kanilang walang dungis na pagkatao. At ngayon nakagapos ako at unti-unting nawawalan ng hangin dahil sa pagkakabigti, ito lang ang gusto kong itanong sa'yo, "GUSTO MO BA ANG KINALALAGYAN MO NGAYON? O KATULAD MO RIN AKO NA HINDI MARUNONG TUMANGGI SA SAYAW NG KUTILYON?"

TIBIG

Tula na hinabi sa alaala ng BSED I-B(day) 2nd sem

anong puno itong aking nakikita?
bilugang bunga'y nakasabit sa kanya
kulay parang dahon tinta'y inaksaya
hugis bayabas ngunit di nangangata

'kaw tamad ka bakit ayaw pang kumuha
para tayo ay makapagsimula na
itusok sa tingting at balansihin na
kumuha ng tulyasi at maghanda na

ngunit sana ay iyong pagkatandaan
tumingin kayo sa kaliwa at kanan
bantayan ang mga matang gumagala
dahil si nanay siguradong baltik na

...yan ang napala ko sa filipino I ko. ang gumawa ng isang pang-elementary(ng) tula. on the spot yan habang ang titser ko sa unahan ay TL(tulo-laway)...saya